متابعات – نبض الوطن – هذه هي الطريقة للتقديم الإلكتروني للذين يسألوا عن التقديم الاكتروني
شرح التقديم الالكتروني بالخطوات والصور :
1/ سحب إستمارة من البنك أو من تطبيق بنكك
2/ الدخول على الرابط الأتي للتقديم
3/ تظهر الخطوة الاولى إدخال رقم الجلوس ورقم الإستمارة التي تم سحبها وولاية الإمتحان ثم تذهب للخطوة الثانية .
4/ الخطوة الثانية تظهر ليك بياناتك كاملة أسمك ومدرستك ورقمك الوطني عليك فقط كتابة رقم التلفون مرتين وتذهب الي الخطوة الثالثة
4/ الخطوة الثالثة هي إختيار الرغبات تقوم بإختيار الرغبة الأولى كالأتي : اولا فوق تحديد نوع التقديم بتلقى بكالوريوس ودبلوم وولائي ( لو امتحنت في الخرطوم خيار ولائي ما بظهر ليك ) تختار عاوز شنو بعداك تحت طوالي بتحدد نوع الجامعة حكومية ولا خاصة بعداك بتختار اسم الجامعه من القائمة بعداك بتظهر ليك قائمة التخصصات تختار رغبتك وتضغط تقديم الرغبه كده الرغبة الاولى اتقدمت باقي الرغبات بي نفس الخطوات دي وفي خيار لي حذف الرغبة لو قدمتها بالغلط مثلا بعداك تدوس ذهاب للخطوة الرابعه
5/ الخطوة الرابعه بتظهر ليك 4 أسئلة كلها تصحح عليها وهي
اقر بأن الرغبات التي تقدمت بها هي الرغبات ☑️
اقر بأن بياناتي صحيحة ☑️
تأكدت من الرغبات ☑️
أريد تسليم الاستمارة ☑️
بعدها تذهب ذهاب للخطوة الخامسة
5/ الخطوة الخامسة بتظهر استمارة رغباتك و بكتب ليك تم التقديم بنجاح نتمنى لكم مستقبل باهر تعمل اسكرين شت للشاشة وخلاص كده التقديم تم
..
● اقل رغبات 15 اقصى رغبات 45
● بعد النتيجه تطلع ح تعرفها بي رقم الاستمارة ..
●كل التقديمات التاليه بي نفس الخطوات..
● بعد تبدا التقديم ما ضروري الا تكملو في نفس اللحظة ممكن تصل الخطوة التالته وتكتب ٣ رغبات وتطلع من الاستمارة تدوس خروج وتجي بعد يوم تاني او اي وقت تدخل حتلقى رغباتك البديتها موجودة وتواصل فيها ..
