تعهد بنك الخرطوم بالمساهمة في إعادة إعمار السودان والعمل على دعم الإستقرار والتنمية.
وهنأ بنك الخرطوم الشعب السوداني بحلول عيد الفطر المبارك وقال : أهلنا الطيبين، العيد مبارك عليكم، ويا رب ينعاد علينا بالخير والسلام والبركات.
واكد أن عيد الفطر ما بس مناسبة فرح! دا كمان بشارة خير، عشان نجدد الأمل لي بكرا، ونشتغل بحب عشان بلدنا، الليلة كلنا مجتمعين بالمحبة والأخوة، وعيونا على يوم باكر الحنبنيهو سوا، بوحدتنا وإصرارنا بإيدينا نبني بلادنا.
واضاف : العيد فرصة عشان نعمر ونأسس السودان الوطن العزيز، زي ما بنحلم بيهو، أحلى وأجمل بعزيمة أولاد البلد، وإيد على إيد تجدع بعيد! والعيد الجاي يجي والسودان يكون في أمن وأمان ومليان بالعزة والكرامة، إن شاء الله.
واضاف بنك الخرطوم في منشور على فيس بوك : وعدنا لكم أننا في بنك الخرطوم دايما معاكم نعيد العمران والتعمير وندعم الاستقرار والتنمية، سودانا يستاهل أحسن وعملائنا يستاهلوا أكتر، وخطوة بي خطوة حننجز ونبني مستقبلنا أفضل، -أحلامنا كبيرة لكن ربنا أكبر- وبإذن الله منتصرين وقادرين.
العفو والعافية وكل سنة وأنتو طيبين
